Partia Demokratike e Kosovës dhe Aleanca për Ardhmërinë e Kosovës kanë arritur marrëveshje koalicioni për qytetin e Prizrenit për katër vitet e ardhshme.

Nënshkrimet për marrëveshje i kanë vënë kandidati i PDK-së për Kryetar të Prizrenit, Shaqir Totaj i cili fitoi në rundin e parë dhe ish kandidati i AAK-së për kryetar, Lulzim Kabashi.

Totaj ka thënë së ky koalicion është pjesë e qasjes së tij për të bashkëqeverisë me ato parti që kanë qëllime dhe ide të mira, si dhe përputhje të programeve për të mirën e qytetarëve të Prizrenit.

“Kjo marrëveshje vetëm sa e rritë dhe e forcon fitoren tonë të madhe me 19 Nëntor. Zotohem se do t’iu shërbejmë të gjithë qytetarëve të Komunës së Prizrenit pa dallim përkatësia etnike e politike”, tha Totaj.

Nga ana e tij, Lulzim Kabashi nga AAK tha se në garën e balotazhit në Prizren qytetarët do ta mbështesin Shaqir Totajn për kryetar dhe koalicionin që do të përfaqësoj dhe mbështesë më së miri qytetarët e Komunës së Prizrenit.

Përveç AAK-së, kandidatin e PDK-së për kryetar të Prizrenit do ta mbështesin edhe subjektet politike të gjitha komuniteteve në Prizren si dhe intelektualë të pavarur.